११ औँ वार्षीक साधारणसभा सम्पन्न

पुष २०, साना किषन कृषि सहकारी संस्था लिमिटेड कल्लेरीको ११ औँ वार्षीक साधारणसभा आज सम्पन्न भएको छ । कल्लेरी गउँ विकस समिति वडा नं. ४ केउरीनीटार स्थित संस्थाको भवनमा सम्पन्न साधारणसभामा संस्थाका अध्यक्ष कृष्णप्रसाद अधिकारीको अध्यक्षता रहेको थियो । कार्यक्रममा साना किषान विकास बैंक गजुरीका प्रबन्धक शेरबहादुर चौधरीको प्रमुख आतिथ्य एवम् साना किषान कृषि सहकारी संघ धादिङका प्रबन्धक खिलप्रसाद सिलवाल, साना किषान सहकारी संस्थाका प्रबन्धक गोपाल सिलवाल लगायतको आतिथ्य रहेको थियो ।

साधारण सभाबाट संस्थाको नयाँ कार्यसमितिपनि चयन गरिएको छ । कृष्णप्रसाद अधिकारीको अध्यक्षतामा चयन भएको ११ सदस्यीय समितिको उपाध्यक्षमा हरिबहादुर मल्ल रहनु भएको छ । साधारण सभामा संस्थाका प्रबन्धक ज्ञानुप्रसाद खतिवडाले १ करोड ३७ लाख लगानी रहेको संस्थाले यसवर्ष कुल ७ लाख रुपयाँ नाफा गर्न सफल भएको जानकारी गराउनु भएको थियो । सोहि अवसरमा संस्थासंग उत्कृष्ट ऋण कारोवार गर्ने १४ जना असल ऋणीलाई प्रतिव्यक्ति १ देखि ८ सय रुपयाँ नगद पुरस्कार प्रदान गरिएको साना किषान कृषि सहकारी संघ धादिङका प्रबन्धक खिलप्रसाद सिलवालले जानकारी दिनुभएको छ ।