महिला अधिकार अनुगमन जिल्ला सञ्जाल रसुवा गठन

पुष २१,  महिला अधिकार अनुगमन जिल्ला सञ्जाल रसुवा गठन भएको छ । सदरमुकाम धुञ्चेमा भएको कार्यक्रममा सञ्जाल गठन गरिएको हो । राष्ट्रिय महिला आयोजको नेतृत्वमा महिला अधिकारको क्षेत्रमा काम गर्ने विभिन्न गैह्र सरकारी संस्थाहरुले गठन गरेको सञ्जाल रसुवामा विस्तार गरिएको बताइएको छ ।

राष्ट्रिय महिला आयोगका सचिव केबलप्रसाद भण्डारीको उपस्थितिमा भएको उक्त कार्यक्रमले नेपाल कृषि बन प्रतिष्ठान रसुवा संयोजक, दुर्गम नेपाल सह संयोजक र सदस्यहरुमा मानेकोर सोसाईटी, माइती नेपाल, सिड्स रसुवा, जिल्ला लघु उद्यमी संघ र नेपाल आमा समुह सदस्य रहेका छन् । महिलाको अधिकारको पक्षमा वकालत गर्ने र उजुरी लिने लगायतका कार्य सञ्जालले गर्नसक्ने छ । सञ्जाल गठन कार्यक्रममा महिला, कानून र विकास मञ्चका अधिवक्ता नविनकुमार श्रेष्ठ, केन्द्रिय प्रतिनिधि कपिलदेव खनाल लगायतकाको सहभागिता रहेको थियो ।