लखन थापालाई प्रथम सहिद घोषणा गर्न माग ।।

एक सय ३७ आँै लखन थापा स्मृति दिवसको अवसरमा आज धादिङबेसी लखन चोकमा चियापान तथा प्रवचन कार्यक्रम कार्यक्रम सम्पन्न भएको छ । नेपाल आदिवासी जनजाती महासंघ धादिङको आयोजनामा सम्पन्न भएको कार्यक्रममा प्रमुख जिल्ला अधिकारी विष्णु प्रसाद पोख्रेल,जातिय संघ–संस्थाका प्रतिनिधि, सरकारी कार्यलयका प्रमुख एवं प्रतिनिधि लगायत जिल्लामा क्रियाशील सन्चारकर्मीहरुको सहभागिता रहेको थियो । हरिशंकर गिदेल मगरको अध्यक्षतामा सम्पन्न भएको कार्यक्रममा नेपालका पहिलो सहिद क्याप्टेन लखन थापाको जिवनी र उहाँको योगदानको बारेमा चर्चा गरिएको थियो ।

यसैबीच सहिद लखन थापा मगर स्मृति प्रतिष्ठानले राणा शासक जंगबहादुर राणाको निरकुंश शासनविरुद्ध पहिलो विद्रोह गरेर राजनीतिक आन्दोलनको सुरुवात गरेका लखन थापा मगरलाई प्रथम सहिद घोषणा गर्न माग गरेको छ । एक सय ३७ औ लखन थापा स्मृति दिवस मनाउन आज रिपोर्टर्स क्लब नेपालमा आयोजित अन्तत्र्रिmया कार्यक्रममा राष्ट्रगानका रचयिता ब्याकुल माइलाले लखन थापाको विषयमा आफूलाई धेरै खोज गर्न मन लागेको उल्लेख गर्दै उनलाई प्रथम सहिदले विभुषित गरिए आफू आत्मैबाट खुसी हुने बताउनुभयो ।

६० थान रक्त चन्दन सहितको ट्रक गजुरी प्रहरीको नियन्त्रणमा

पुष १२, ६० थान रक्तचन्दन सहित एउटा डिब्बावाला ट्रक गएराती १२ वजे वाइसीएलको सहयोगमा इलाका प्रहरी कार्यलय गजुरीले नियन्त्रणमा लिएको छ । पश्चिम नेपालबाट काठमाण्डौतर्फ जाँदै गरेको ना ३ ख ७९१३ नं. को ट्रकमा राखेर रक्तचन्दन ल्याइँदै गरेको पूर्व सुचनाको आधारमा चेक जाँच गर्दा सो परिमाणमा रक्तचन्दन बरामद भएको हो ।

रेडियो बिहानी अब अनलाइनमा पनि

लामो समयको पर्खाइ पछि आजबाट हामी अनलाइनमा आएका छौं । तपाईंले अब हाम्रो प्रसारण विश्वको कुनै पनि कुनाबाट सुन्नसक्नुहुनेछ। विशेष गरि देशबाहिरका हाम्रा शुभचिन्तकहरुलाई यसले केही राहत दिनेछ भन्ने आशा गरेका छौं। आजै सुन्नुहोस् प्रत्यक्ष रुपमा रेडियो बिहानी ९७.६ मेगाहर्ज www.radiobihani.com

रेडियो बिहानी अव अनलाईनमा

धादिङबाट प्रसारीत सामुदायीक रेडियो, रेडियो बिहानी ९७.६ मेगाहर्जले आजबाट आफ्नो अनलाइन प्रसारण प्रारम्भ गरेको छ । जनतालाई सचेत अनि शासकलाई जन उत्तरदायी बनाउने उद्देश्यकासाथ २०६६ साल मंसीर १२ गतेबाट आफ्नो प्रसारण प्ररम्भ गरेको रेडियो आजबाट अनलाईनमा सुन्न सकिने भएको हो । अव विश्वका जुनसुकै स्थानमा रहेरपनि www.radiobihani.com  बाट रेडियो बिहानीको नियमित प्रसारण सुन्न सकिने छ । शुरुका दिनहरुमा दैनिक ८ घण्टा प्रशारण हुने रेडियो हाल दैनिक साँढे १७ घण्टा प्रसारण हुँदै आएको छ । रेडियो बिहानी अनलाईन प्रसारण गर्ने धादिङकै पहिलो र एक मात्र रेडियो हो ।

बराह कालीका उच्च माध्यमिक विद्यालयको ४६ औँ वार्षीक उत्सव

पुष २६, बराह कालीका उच्च माध्यमिक विद्यालय ढोलाको ४६ औँ वार्षीक उत्सव हिजो सम्पन्न भएको छ । विद्यालय व्यवस्थापन समिति अध्यक्ष विनोद तिमल्सिनाको अध्यक्षतामा सम्पन्न कार्यक्रममा मध्यमाञ्चल क्षेत्रीय निर्देशनालयका क्षेत्रीय निर्देशक चोलेन्द्रप्रसाद पण्डितको प्रमुख आतिथ्य र नेपाली काँग्रेस धादिङका सभापति रामनाथ अधिकारीको विशेष आतिथ्य रहेको थियो ।

प्याव्सन धादिङले प्याव्सन दिवस मनायो

पुष २६, २१ औँ प्याव्सन दिवस प्याव्सन धादिङले हिजो एक कार्यक्रमको आयोजना गरी मनाएको छ । प्याव्सन दिवसको अवसरमा आयोजन गरिएको तीन दिने कार्यक्रमको अन्तिम दिन हिजो एडभान्स एकेडेमीको प्राङ्गणमा समापन समारोह सम्पन्न भएको हो । प्याव्सन धादिङका अध्यक्ष नवराज ओझाको अध्यक्षतामा सम्पन्न कार्यक्रममा प्याव्सनका केन्द्रीय सदस्य गोपालप्रसाद कंडेलको प्रमुख आतिथ्य र निलकण्ठ क्याम्पसका प्रमुख भुपेन्द्र कुमार श्रेष्ठको विशेष आतिथ्य रहेको थियो ।

जातीय विभेद तथा छुवाछुत सम्बन्धी अध्ययन सामग्री निर्माण कार्यशाला

पुष २६, जातीय विभेद तथा छुवाछुत सम्बन्धी अध्ययन सामग्री निर्माण गर्ने उद्देश्यले दुई दिने कार्यसाला हिजो बाट शुरु भएको छ । यु एम एन धादिङ क्लष्टरको सहयोगमा दलित सेवा संघ धादिङले आयोजना गरेको कार्यसालामा यु एम एन धादिङका वरिष्ठ अधिकृत ठाकुर राई, सल्लाहकार राजु पण्डित क्षेत्री, दलित सेवा संघ धादिङका अध्यक्ष श्याम मग्राती, दलित सेवा संघ काठमाण्डौका शंकर सुनार, रेडियो नेपालका सुमन विश्वकर्मा लगायतको आतिथ्य रहेको थियो ।

जेठ १४ भित्र नयाँ संविधान नवने संविधानसभा विघटन हुनसक्ने भट्टराईको आसंका

पुष २६,  एकीकृत ने।क।पा। माओवादीका उपाध्यक्ष डा। वावुराम भट्राईले जेठ १४ भित्र नयाँ संविधान नवने संविधानसभा विघटन हुने र देशमा राष्ट्रपति वा अन्य पात्रले शासन गर्ने सक्ने आसंका गर्नु भएको छ । महेन्द्रशक्ति माध्यमिक विद्यालय वक्राङ गोरखाको स्वर्ण महोत्सवको हिजो उद्घाटन गर्दै डा भट्राईले अहिले संविधान सभा विघटन गर्ने कोषिश भईरहेको संकेत गर्दै यसो गरेमा नेपाली जनता सडकमा उत्रनुको विकल्प नरहेको वताउनु भयो।

भारतमा ९ माओवादी मारिए

भारतीय सुरक्षावलले आज ९ जना माओवादीको हत्या गरेको छ । भारतको पर्ूर्वीय राज्य उडिसाको एक जङ्गलमा रहेको उनीहरुको शिविरलाई घेरा हालि विस्फोटक पदार्थ बरामद समेत गरिएको प्रहरीले जनाएको छ । उक्त घटना भुवनेश्वर सहरदेखि ५ सय किलोमिटर दक्षिणमा भएको थियो । उक्त घटनाबारे भारतीय माओवादीले कुनै प्रतिकृया जनाएको छैन ।

उर्जामन्त्रीले गरे मनपरी सरुवा घटुवा

उर्जामन्त्री डा. प्रकाशशरण महतले आफ्नो निर्देशन नमानेको भन्दै कर्मचारीहरुको मनपरी सरुवा र घटुवा गर्नुभएको छ । संरचना नै ब्रि्रने गरी मन्त्रीको ठाडो आदेशमा सहसचिब र अन्य कमर्चारीहरुको सरुवा तथा घटुवा गरिएको हो । मन्त्रालयको नीति महाशाखामा रिक्त रहेको पदमा सिंचाई विभागमा कार्यरत मोतीबहादुर कुँवरलाई प्रमुखमा नियुक्त गरिएको छ ।

२८ दलको बैठक निष्कर्षवहीन

शासकीय स्वरुप र निर्बाचन प्रणालीको विषयमा विवाद भएपछि २८ दलको बैठक निष्कर्षवहीन भएको छ । सिंहदरबारमा विहान बसेको बैठकमा संविधानका विवादित तीन बुँदामा आंशिक सहमति भने भएको नेताहरुले दावी गरेका छन् । बैठकमा प्रदेशमा संकटकाल लगाउँदा कार्यकारी अधिकार केन्द्रले लिनेकी प्रदेशमा रहने भन्ने बिषयमा छलफल भए पनि ठोस सहमति नभएको एकीकृत नेकपा माओवादीका नेता देव गुरुङ्ले जानकारी दिनुभयो ।

राजदुत राणालाई पदमुक्त गर्न सरकारलाई निर्देशन

व्यवस्थापिका संसदको अन्तराष्ट्रिय सम्बन्ध तथा मानव अधिकार समितिले भारतस्थित नेपाली राजदुत रुक्मशमशेर राणालाई तत्काल पदमुक्त गरी फिर्ता बोलाउन सरकारलाई निर्देशन दिएको छ । आज सिंहदरबारमा बसेको समितिको बैठकले डाबर नेपालको प्रबन्ध निर्देशकसमेत रहेका राणालाई पदमुक्त गर्न सरकारलाई निर्देशन दिएको हो ।